خايف
أنا عبارة عن كائن حي تسيطر عليه مجموعة من المخاوف سواءً كانت وهمية أو حقيقية .. وباحاول جاهدا إني أتغلب على واحدة ورا التانية .. لكن للأسف اللي مخليني لغاية دلوقتي ما خلصتش مخاوفي .. إني ما بصلحش أصل الخوف لكن باصلح النتائج .... !!!
خايف: من يووووم القيااااامة والوقفة قدام ربنا سبحانه وتعالى ! وهوه وحده سبحانه عارف عني كل حاجة ! ويسألني عن كل كبيرة وصغيرة ؟؟
خايف: أقابل الرسول صلى الله عليه وسلم يوم القياااامة يقولي سحقا سحقا .. بعدا بُعدا !
خايف: أفلس يوم القيامة ! أكون من اللي جم بأعمال .. لكن عليا ديون لخلق كتيـــر يخلصولي حسناتي .. ويحطولي سيئات كمان ع اللي عندي ... واتحدف ف النار !
خايف: تخلص حياتي وأنا ماليش وزن في الحياة .. وما ضفتلهاش أي حاجة.
خايف: ما ابقاش دكتور كويس ومتميز في مجالي !
خايف: ناس تفهمني غلط .. وأنا في مرحلة من مراحل تطور شخصيتي.
خايف: ناس تظن بيه ظن مش كويس.
خايف: من إني ألاقي الشخصية المناسبة إنها تبقى مراتي لكن يكون ناقصها حاجات أساسية !
خايف: الحب ييجي للإنسانة غير المناسبة.
خايف: تبقى حياتي مجرد كلام ع النت ، ومايبقاش ليه وزن ف الواقع.
خايف: أفضل طول حياتي ليه هوايات كتيـــرة !! وأنا مش محترف أي حاجة فيهم !
خايف: حياتي تنتهي لما أموت !!
خايف: إني أتحط في موقف يهمّ الإسلام .. واخذل الإسلام !
خايف: من إني باخد حاجات كتير في حياتي ببساطة .. وباعامل الناس ببساطة ، وناس تفهمني غلط !
خايف: رمضان يعدي عليا وأنا خسران !
خايف: القرآن ييجي يشتكيني عند ربنا ويقوله بعد ما حفظني ضيعني !!!
خايف: أكون دعيت حد لضلالة، وآخد سيئاته.
خايف: أجرح حد بكلمة أو بفعل يأثر عليه في حياته وأكون أنا السبب.
خايف: أموت على معصية !!!!
خايف: عدم نجاحي أو تصرفاتي تكون فتنة للكفار ، وتخليهم يكرهوا الدين !
خايفين من إيه انتو كمان ؟؟
هناك 4 تعليقات:
والله يااخى مدونتك جميلة ومثمرة واستمر فى علمك جزاك الله كل خير
ربنا بيقول" وان ليس للانسان الا ماسعى وان سعيه سوف يرى ثم يجزاه الجزاء الاوفى"
كونك انك فاهم وواصل لدا يعنى انك شخص تعرف كنة وجودك وتريد ان تنجز وفقك الله اخى وكمان هاتلاقى على جوجل موسوعة اسمها نول جوجل knol.google.com
دى تقدر تكتب فيها مقالات علمية وهاتلاقى فيها مقالات علمية بردوا وانا كتبلك الموقع لما ارى فيك من حب للعلم ونشره وحب للمعرفة عموما توكل على الله
اخيك احمد نور الدين
جزاك الله خيرا يا أستاذ أحمد
وغن شاء الله أزور النوول
وأحاول كتابة مقال علمي .. قريبا
وأسعدني مرورك جدا
كلنا بتمر بنا المخاوف دى
بس كلها بإذن الله لها حلول تزيل او تقلل على الاقل من هذا الخوف وتشعرنا بالآمان
(خايف: من يووووم القيااااامة والوقفة قدام ربنا سبحانه وتعالى ! وهوه وحده سبحانه عارف عني كل حاجة ! ويسألني عن كل كبيرة وصغيرة ؟؟)
(خايف: أقابل الرسول صلى الله عليه وسلم يوم القياااامة يقولي سحقا سحقا .. بعدا بُعدا !)
(خايف: أفلس يوم القيامة ! أكون من اللي جم بأعمال .. لكن عليا ديون لخلق كتيـــر يخلصولي حسناتي .. ويحطولي سيئات كمان ع اللي عندي ... واتحدف ف النار ! )
قال تعالى:وَسَارِعُواْ إِلَى مَغْفِرَةٍ مِّن رَّبِّكُمْ وَجَنَّةٍ عَرْضُهَا السَّمَاوَاتُ وَالأَرْضُ.
ومن المفترض أن نجمع بين الخوف والرجاء
ولا حرج إذا كان هذا الخوف بقدر بمعنى
القدر الذى يحمينا شر الوقوع فى المعاصى ولا يعطلنا عن أمور الحياة
والمفتاح يكمن فى
تجديد التوبة
تجديد التوبة
تجديد التوبة
(خايف: تخلص حياتي وأنا ماليش وزن في الحياة .. وما ضفتلهاش أي حاجة.)
(خايف: ما ابقاش دكتور كويس ومتميز في مجالي !)
﴿لاَ يُكَلِّفُ اللّهُ نَفْساً إِلاَّ وُسْعَهَا)
المهم الانسان يجتهد ويعمل اللى يقدر عليه
ثم بعد ذلك يتوكل على الله
وفى التوكل الخير كل الخير وطبعا ليس التواكل
(خايف: ناس تفهمني غلط .. وأنا في مرحلة من مراحل تطور شخصيتي.
خايف: ناس تظن بيه ظن مش كويس.
خايف: من إني ألاقي الشخصية المناسبة إنها تبقى مراتي لكن يكون ناقصها حاجات أساسية !
خايف: الحب ييجي للإنسانة غير المناسبة.
خايف: تبقى حياتي مجرد كلام ع النت ، ومايبقاش ليه وزن ف الواقع.)
كل هذه المخاوف لا حل لها أفضل من حسن الظن بالله واليقين بالله
والدعاء ثم الدعاء ثم الدعاء
ونسأل الله خير الدينا والآخرة
(خايف: أفضل طول حياتي ليه هوايات كتيـــرة !! وأنا مش محترف أي حاجة فيهم !)
حدد هدفك ..ركز عليه..وكن متميز فيه
(خايف: حياتي تنتهي لما أموت !!)
علينا بالأكثار من الحسنات الجارية
والصدقات الجارية
التى لا ينقطع آجرها لنا ولا فائدتها على الناس بقضاء الأجل
(خايف: إني أتحط في موقف يهمّ الإسلام .. واخذل الإسلام !)
اسأل الله أن يجعل نصرة الاسلام على يدينا
وأن يثبتنا فى مثل هذه الاختبارات
وعلينا بالاجتهاد والدعاء
ولن يضيعنا الله ولن يخذينا ابداا
(خايف: من إني باخد حاجات كتير في حياتي ببساطة .. وباعامل الناس ببساطة ، وناس تفهمني غلط !)
مش مهم الناس
المهم ربنا يرضى ..لو ربنا رضى الناس كلها حترضى وحتى لو فهموا غلط او مقدروش ..المهم رضى ربنا
وأوصى نفسى وإياكم بحسن النية
(خايف: رمضان يعدي عليا وأنا خسران !)
"إن الله لا يضيع أجر من أحسن عملاً"
وعن رمضان ..فالعمل لا يبدء مع بدء رمضان
ولكن من قبل ذلك بكثيير
فمن اجتهد ودعا الله فلن يخزيه الله
(خايف: القرآن ييجي يشتكيني عند ربنا ويقوله بعد ما حفظني ضيعني !!!)
الدعاء..نسأل الله الثبات
ولا بد من الاجتهاد فى الحفظ والمراجعة
(خايف: أكون دعيت حد لضلالة، وآخد سيئاته.)
أما هذه فأكثرهم خوفا ورعبا
ولكن رحمة ربى وسعت كل شئ
فعلينا بالتوبة ..التوبة ..التوبة
واسأل الهل ان يتوب علينا ويغفر لنا ما قد سلف
إنه ولى ذلك والقادر عليه
(خايف: أجرح حد بكلمة أو بفعل يأثر عليه في حياته وأكون أنا السبب.)
نسأل الله التوفيق فى القول والعمل
(خايف: أموت على معصية !!!!)
من عاش على شىء مات عليه
فعلينا بالاجتهاد فى أن نجعل حياتنا كلها فى طاعة الله وذلك بتجديد النيات
وجعل العادات عبادات
وعلينا بالدعاء بحسن الخاتمة
(خايف: عدم نجاحي أو تصرفاتي تكون فتنة للكفار ، وتخليهم يكرهوا الدين !)
{ فَاتَّقُوا اللَّهَ مَا اسْتَطَعْتُمْ }
(ولا يكلف الله نفسا إلا وسعها )
علينا بالاجتهاد قدر استطاعتنا
والله ولـــــــى التوفيــق
غير معرف
ـــــــ
جزاك الله خيرا .. ومرور طيب منك ونصائح غالية .. لعلني ابدأ منها بتجديد النية
وابقى شيب اسمك يا أخي عشان نعرف الناس الكويسة
إرسال تعليق