انته كنت صغير ؟؟
السؤال دا بنسأله لناس كتيرة
وطبعا كلنا عارفين بيقى انطباعهم إيه ؟؟
فيه ناس تلاقيها - اللهم بارك - طويلة .. وناس عريضة .. وناس تالتة طول بعرض بعمق
بس لما ترجع تفكر ... وتسأل نفسك
هتلاقينا بالمنطق وبجميع الأدلة كنا فعلا صغيرين
ودا اللي بيخليني مستغرب ... خاصة لما باشوف ولد صغير أو بنت صغنونة
احنا كنا طيبين كدا ؟
كنا فعلا أبيض خالص
ما نعرفش أي حاجة في الحياة
وواحدة واحدة لاقيت نفسك بتكبر واحدة واحدة ... يوم ورا يوم
وفعلا .. لو ماحدش خد باله من الموضوع دا ... ممكن يلاقي نفسه عجَِز من غير ما ياخد باله ... ولو كان ينفع كان ينسى إنه مات .. لكن ساعتها هايفتكر
لازم كل يوم أبقى زيادة عن اليوم اللي قبله
أعرف معلومة جديدة
أعرف إنسان أو إنسانة
( كل واحد والحلال بتاعه )
أعرف كلمة
أعرف كلمة
بجد أنا مبسوط وأنا باكتب واتحاور معاكم ... برضه الموضوع دا غير إنك تحاور نفسك
مروركم يضيف لي الكثير
هناك 6 تعليقات:
فعلا معرفة الناس شئ اكتر من رائع بس طبعا بالشروط الترضي ربنا وطبعا احنا عارفينها كويس ولازم بجد الانسان كل يوم يعدي عليه في عمره يتعلم شئ جديد ينفعه في دينة اولا ثم في دنياه وسبحان مهما اتعلم الانسان فهوه بيموت وهوه ناقص علم
تقبل تحياتي
عبق المرور
أكيد
بس غريب جدا
أنا نفسي بحاول افتكر حاجة من أيام الأبيض × أبيض مش عارف
لو انت فاكر حاجة يا احمد فكرني
إزيك يا هيما
انته برضه لسه ما خلصتش "قضائك وقدرك " ؟؟
أنا كمان ما افتكرش حاجات من أيام الملون كمان !!
الواحد كان عايش في غيبوبة طويلة شويتين !!
منور يا هيما
واحشني جدا
كثيرا مانتمنى أن نعود صغارا بعيدا عن هموم المسئولية ، بعيدا عن الإحساس بألم الحقيقة
تلك الأيام عندما تراودنا ذكراها لا نتذكر سوى أنها كانت بريئة بالفعل ، مهما كانت أخطائنا فهي أخطاء أطفال !!
باشموهندسة :
فعلا التعلم في الصغر .. ايسر في اعتقادي لأنك تتعلم لنفسك .. ولاتخشى أن يقول عنك الناس كذا .. أو أن يظن أحد أنك تنوي أن تترشح لانتخابات .. أو حتى تعجب الفتاة الفلانية ....
إرسال تعليق