بلاش

الحياة بتوديك ... وتجيبك
لكن .. من وقت للتاني ... الواحد بيفكر في نفسه
ويشوف هوه وصل لغاية فين ؟؟
------
بلاش
****
دِيْ كل الحكاية .. بلاش
ولو .. إِنتَ منهم .. بلاش
ولوْ خايف انته .. بلاش
لإن الحياة ما هياش .. بلاش
***
باحب الحقيقة .. ولاني غاش
ومش راح أزور
وأبيعها .. بلاش
لكني هاقولها ..
وأصدح وأقولها
وأملى المدينة
وغيرها .. بلاش
****
باحبك بلادي
وهافضل أنادي
وأرفع أيادي
وأهزم أعادي
واخللي حياتي
لأجلك .. بلاش
***
لو انته يا صاحبي
همومك تشيلك
تودِّيك .. تجيبك
وتاخدك معاها
توديك وراها
لغاية ما تزهق
ومش ناوي تنطق
لازم راح تقولها
كفاية .. بلاش
***
بلاش .. يا بلاش
أنا مش بلاش
أنا روحي عالية
ومش هارضى دنيا
لإني عارفها
دا دنيانا فانية
بكلمة صريحة
بلاش .. في .. بلاش
****